感冒未清，加上夜訓熱氣，再洗完頭之后出去吹風，出左去一日，晚上直接系市區翻學校，小組討論，翻到來換衫之后就覺得全身發興，我諗我可能發燒了。

好，就從求先翻歸嘅路上講起。求先嘅有D問題，系我全身輕微發興嘅時候回答，加上車上有其他人，有D問題我回答嘅時候唔系好自在，系咁嘅狀態下已經反應唔到去作出一個妥善嘅處理，貌似有D失言了，希望車上各位同胞聽完唔好記得。

我承認，我呢段時間唔開心，呢種低迷嘅狀態持續左差不多一年了。我只能夠講我大三嘅時候好開心，開心嘅因素有好多，有幾位系我身邊嘅人，一個好好嘅心理咨詢選修課老師，平靜無憂無慮嘅生活，至于呢D因素背后各自代表乜野，就無乜需要贅述了。

小妹目前最大嘅心愿系能夠身體健康，時時保持最佳狀態，多D正能量，令身邊嘅人都快樂，自己又快樂，同周圍嘅人同好朋友保持和諧愉快嘅關系，學業事業向前發展，其他野小妹并唔系太在意。

其實今日仲有一件事另小妹好開心，就系可以趁惜惜轉機嘅空檔可以同佢食飯傾計，真系好開心。系地鐵臨走嘅時候佢仲送左一只Boomtown Beijing嘅DVD比我。多謝Siok Siok！加油！我知道你一定會做到你想做嘅野！

今晚去上堂，因為舌尖生菲茲，所以比較沉默，上堂前忍痛同兩個同學傾計，講起生菲茲，佢地頓時興奮起來，都話自己有唔同嘅熱氣表現，Minnie都生菲茲。落堂落山落巴士，我同Cherrie講我生菲茲，跟住佢又好興奮咁話我知佢又生菲茲……我地team七個人，問左三個，兩個都有事，加埋小妹就三個菲茲妹……既然系咁，點解大家都咁夜訓啊仲？！

有沒有人over reacted？有沒有人處理不當？

在這件事上，我承認我處理得不好, I should have known better。我也沒有料到這件事會引起對方這么強烈的反應。我咨詢了一些朋友的看法，他們都覺得我有值得商榷的地方，但是問題不大。究竟這個分寸怎么拿捏呢？

今天做得對的地方是在聽到某些讓頭腦發熱的東西之后保持沉默。想清楚再說，我會說清楚的。一定要說，解決問題的方法是溝通。

經一事，長一智～

-------------------------------------------------------------

后記：

這件事情之所以讓小妹如此不安皆因小妹拿捏不準它的是非標準，小妹的判斷能力在這方面有所不及。先后跟三個朋友說了想法，聽了他們的意見，知道其他人對這件事的看法又讓小妹對這個世界的輪廓有了點眉目。好吧，放下這件事情吧。來到這里很少跟其他人聊超過半個小時的電話，今天加上網上語音對話，粗略估計有5個超過半小時的非面對面對話，好開心～～～～哈哈

PS: 就算小妹有唔着嘅地方，都唔等于要接受一切无理要求挂～

Dirty Sexy Money: "It started as a necessity and then it became a lifestyle."

好多野都系有佢形成嘅原因

傷風呢個詞其實一路都有聽過，不過我地果度唔會咁叫，所以我唔知傷風究竟系乜一回事，到宜家我都唔知佢同感冒有乜區別。

早幾日開始已經有兩聲咳，可能系連日頻頻撲撲加上夜訓再sib嗔，今日除左咳，仲打噴嚏，流鼻水，因為無喉嚨痛頭痛症狀，我仲以為系鼻炎鼻敏感之類嘅問題出現，我以前試過冷熱出入頻密就會流呢種自流鼻水，不過後來打噴嚏打到覺得唔系路，就斷定我真系感冒了（或者系傷風）。呢度嘅人有無舒服都會自覺咁帶口罩，難道我都要去藥房整個外科口罩帶帶？唔好啦掛～不過如果到時我要翻學嘅時候癥狀無改善嘅話就真系要了，咪盞咳打噴嚏嚇嗔人。

去街市嘅時候順便想走入藥房買藥，其實我心系想趁機試下只幸福傷風感冒熱飲，自從佢出廣告比我睇到，我就覺得好似好好飲咁，暖粒粒嘅檸檬或者黑加侖子味飲品，諗起都想飲，之後又發現廣州無得賣，所以就更加想試啦。不過又好似正經感冒藥會實際D喔。人地話系外國傷風感冒醫生系唔會開藥，只會叫病人飲水同休息。而事實上所有嘅傷風感冒要都唔會直接醫傷風感冒，只不過系緩解癥狀，咁我應該等佢自己die down啊，定系食藥咧？掙扎完之后都系買藥罷啦。我見到有位仁兄系藥房出來，手里攞住一包五顏六色嘅藥，覺得好奇怪，心諗果位仁兄乜事咧？要食咁多藥嘅。跟住我又走入左間藥房，同老板講我嘅癥狀：打噴嚏，流鼻水，有兩聲咳，佢再問我有無喉嚨痛之類，就走左去攞藥，本來以為老板會比只例如幸福傷風素或者樂信感冒靈打發我，跟住佢消失左幾耐下，翻來嘅時候比左包同求先果位仁兄手上攞嘅差唔多樣嘅一袋藥，五顏六色，黃色粉紅色藍色白色……好夸張……老板叫我每四個鐘食一次，每日食四次，跟住我就有D ten雞咁問佢究竟有幾多種藥，以免食漏，佢數左數，一、二、三、四、五，一共有五種藥，其中一只我認得應該系樂信感冒靈，就咁我就比左三十蚊，攞左包藥同一堆疑問離開左間藥房。“咁得唔得嘎？咁多藥嘅？點解呢度嘅藥房老板可以好似醫生咁嘅？呢度嘅人系米都系咁醫傷風感冒嘎……”好多藥都講到自己能醫百病，所以一般嘅感冒藥療效都會涵蓋到小妹嘅癥狀，不過睇個樣，似乎里面沒一種藥都專門針對某種癥狀。如果去學校診所，D醫生會唔會又比咁多野我咧？聽聞學校診所都中意over dosed，咁可能會差唔多狀況掛。雖然學校診所免費，但系無乜事都唔想聽日特登走翻去，都系系藥房速戰速決搞掂佢。食完飯，經過一番心理掙扎之后一口氣pai左果五粒藥，到宜家都三個幾鐘，又好似真系無乜點咳同打噴嚏～

以下系Crystal嘅space，雖然唔知佢寫呢篇野嘅動機同context，不過D觀點都值得同大家分享下。米睇我space嘅評論唔多啊，應該都會有人間中來睇睇嘅，所以都應該有人可以同我分享～ 

引用

People are biased.

今天速度翻了本书：Fundamental Human Communication.看到几句话：

A person interprets what he perceived by applying his own concepts.

People use information for their own specific purpose, and they interpret information from their own point of view.

 

Information processing is selective.

 

Memory is selective.

 

People select the part of the world they want to experience.

 

The experiences of any two people are never exactly identical.

 

Information has similar meaning to different people to the extent that they have similar concepts to apply, and they will have similar concepts to apply in a given situation to the extent that they have similar life experience.

 

看，其实我们一直生活在一个带着个人色彩的世界里。所有的认知都只是带有偏见的。

而如果遇到了可以对话、可以理解、可以交流的人，其实是一件多么不容易的事。这世界上没有identical，只有similar。也正是如此，也要宽容原谅彼此的不同。

 

哎...

---

 

布置左兩個禮拜嘅reading，終于今日先嫡起心肝讀，唔系好中意睇住個screen，因為唔可以隨心所欲寫筆記，所以又要經過一番心理掙扎之后將佢print出來，之前未點認真用過雙面打印，擾擾攘攘之后終于開始睇份reading了，可惜仲未睇完，等陣就上堂了，一系比阿sir煎皮，一系就要睇到佢disappointed個樣跟住覺得guilty，最后一個后果就系會follow唔到。呢D事件唔可以再發生了。兩個禮拜了，我好想快D安定落來，純粹D靜心D讀書同埋做該做嘅事，唔想再咁頻頻撲撲，本身自己都有好多瑣碎事，洗衫煮飯唔在講，事情總系做唔完，又要學魯迅問句：這樣的世界何時是一個盡頭？都系唔會有盡頭嘎啦，一日生存系世上，一日就有唔同嘅事情要處理，如果唔系點解個天要比你生存？好好plan個schedule令生活更加有規律罷啦～

跟住落來仲有Ivan嘅reading，Mr. Leung同Ivan嘅assignment，我點都要系星期日嘔曬出來，如果唔系星期一又有其他野忙。恐怖嘅星期一：金鐘-唔知邊度-九龍塘，啊……又系頻撲嘅一日……

今日唔知點解忙起來，其實日日都咁多瑣碎事，今日只不過系同樣hectic，呢幾日開始又試中意將手機攞系手，咁即系表示乜？表示我又試唔知自己想點，想人地話比我知我應該點做咯，同時亦都系攰同埋孤獨。究竟寂寞pathetic D定孤獨pathetic D咧？呢種系一種內心空虛嘅感覺，唔在于身邊有幾多人。來左一段時間，好多人要見，該見嘅未完全見，好多系因為覺得自己嘅狀態唔ready，另一方面系好渴求一個有規律、寧靜而純粹嘅生活，唔想咁多應酬。粗略估計，小妹嘅中學朋友大學朋友系呢度都有六七個，加上學校朋友以外嘅朋友，本來一直系度嘅都有兩個，講起認識呢兩個朋友嘅經歷都幾有趣，不過就唔扯太遠啦～呢度咁多學校，偏偏我嘅connection都集中呢間學校，都幾巧合，你話小妹其實系度又點會悶咧。

好懷念大三嘅生活，無憂無慮，日子過得安逸，不過始終小妹收成嘅時候未到，果種日子注定唔會一直不變咁過落去，小妹仲需要去耕耘，對得住我嘅人生，都系咪講到咁沉重了吧。

本來諗住來到可以過一D純粹嘅學生生活，但系過來之后發現學校呢一點并唔足以令我搵到自己嘅坐標，你話系想見翻自己熟悉嘅人又好，想通過其他渠道搵自信同定位又好，果晚可以過對面海食飯我真系好開心好期待，比我第一次去FCC仲更加緊張同興奮。

今日個創業比賽介紹會，我覺得自己好奇怪，完全系唔敢出聲，亦都無自信系果度坐，其實初頭去好多地方都會咁，只不過系衣家隨住對周圍環境嘅熟悉慢慢覺得自在少少，我都還期待呢個地方會為我帶來轉變，就算我唔會對呢度make a difference，起碼都要令自己有個difference啊，總唔呢能夠揮一揮手，不帶走一片雲彩就了事。我對自己唔肯定無把握到乜程度咧？我居然去問人地覺得我掂唔掂，呢種問題確實好莫名其妙，小妹真是犯糊涂了～

期望隨住小妹嘅足跡能夠盡快可以遍布呢個地方，形成密密麻麻嘅網格，隨便都可以搵到自己嘅位置～

今日去左探Bel Bel同嘉姐，佢地都好nice咁招呼左我，反而我呢個客人就似乎無乜建樹，仲連累佢地洗左好多錢～其實我一路都話Bel系扮清貧，今日入貨最勁系佢，唔怪得以前佢咁中意同Cindy去掃貨，只有佢先deserve到Cindy嘅消費水平～～～呢個都唔系重點，其實如果我減翻多少磅嘅話，可能我都會買好多，因為系衫都啱著，好容易著得好睇，今日其實我都想買衫嘎，不過大半年以來積累嘅磅數仲系度，想舍命陪君姐都唔得。

今晚出城食飯，自從上次來系城區混得熟左之后，都習慣左果度嘅繁華同奢侈，對于周圍伸只手就掂到但系又好遙遠嘅奢侈品見慣不怪。畢竟好多野要通過努力再得到先有滿足感，更重要嘅系，我去到果度系有一個存在嘅理由，有寄托，自然有信心啦，哈哈～

即系咁，最近我確實無發脾氣嘅，只不過系自己覺得心中會時不時起火，一念之間又將火撲息，呢一念間會閃過好多野，我好慶幸自己仲有咁嘅覺悟去有呢一念，自己唔知自己想點，或者身邊嘅人又唔知自己想點，或者又系我嘅期望太高，又或者系溝通唔好，我真系唔知，有乜又唔講，到我準備action嘅時候問先講，覺得有D唔被尊重同被人耍，不過如果我唔止對一個人有咁嘅感覺嘅話，究竟系巧合啊，定系我自己有問題咧？唔好諗咁多啦，好期待今晚嘅dinner，有好野食，好好嘅service，一于去享受下先～

上左一個星期嘅堂，我地program有好多part-time學生，要同佢地一齊上課，所以課程都編系晚上或者周六，所以每日翻學都唔系office hour，學校society嘅事，活動似乎都唔系好關我地事咁，感覺就好似我地唔見得光，只有晚上路燈嘅光咁明亮嘅前途～不過啱啱同Frances MSN嘅時候發現原來米國嘅post-grad都系咁，full-time同part-time一齊晚上上課，咁我都心理平衡D，覺得無咁似讀夜校～lol~

尋日sit左一堂Kaman課，感覺唔錯，今日其實我幾期待Ivan嘅課，因為之前都系電視度見過佢，覺得有D好似見明星嘅感覺，哈哈，系電視見到嘅Ivan無宜家咁飽滿，而宜家我認識嘅佢比人一種好有量度嘅感覺，好舒服，好坦然（講到我好似好乜佢咁lol~我諗應該講佢比我嘅感覺好唔錯，Kaman都一樣）～其實我更加對佢career嘅經歷同埋個人嘅一D諗法有興趣仲有佢左手中指上嘅玉戒指，呢仲飾物我覺得系衣家唔系好多見，其實我仲好想知道所有老師翻來教書嘅動機系乜野，有乜可以令佢地個個咁山長水遠過來上堂？希望其他人嘅諗法可以elevate到小妹嘅思想～就攞Christian來講啊，盡管宜家我都唔系好明白點解呢個Oncle Huang要系法國翻來，但系佢嘅經歷又豐富左我嘅好多睇法。

Ivan系一個lecturer，所以佢講嘅好多野都好客觀，好客氣，不過某D時候都可以感受到佢記者出身嘅身份，對某D唔合理嘅現象唔系好客氣但系好客觀嘅批評令人覺得佢都幾有性格。有一樣野系佢lecture度講起，一個唔系咁理性嘅消費者可能唔精明，但系當中獲得嘅marginal utility（Why is marginal utility?）會更大，“因為你中意啊嘛”～就咁點一點，好！

上堂覺得有D唔舒服，成堂都唔系好想同人social，我咁落去真系唔系好得，點出來行咧？搞到D同學以為我好cool咪斃？上完堂自己一個人行落山，落山嘅時候好像穩下電話簿有邊個可以等我relax下，我最想最想同Winnie講電話，哪怕系8蚊幾嘅IDD都在所不計，但系好可惜我果部電話無佢UK嘅電話，借此機會要鬧一鬧陳筱先得，雖然佢唔識Cantonese，上MSN幾次都唔肯同我視頻，激氣～打比梁同學啦，佢又一系唔聽電話，一系就系外邊，無奈……Helmet啦，Kawa啦等等各位，我好想同你地傾計啊～～～～I miss you guys sososososososososo much～掛到我好想喊……來到都認識到新朋友，新朋友都好好，話雖如此，人到左新環境嘅時候難免會掛住舊朋友，缺乏安全感嘅時候需要有熟悉嘅人嘅支持。最終邊個都搵唔到，于是就一個人行落山，其實系呢個時候一個人走，一個人搭巴士反而會輕松，sad果陣自己sad。

呢个道理好多人都明白，但系真系做起身对于有D人来讲并唔系咁容易～Take off guard, Babe~